इचलकरंजी: येथील जयवंत महाविद्यालयातील विद्यार्थ्यांनी आपल्या नाविन्यपूर्ण संशोधनातून आंतरराष्ट्रीय स्तरावर महाविद्यालयाचा आणि शहराचा लौकिक उंचावला आहे. यूके (UK) सरकारच्या बौद्धिक संपदा कार्यालयाकडून (Intellectual Property Office) महाविद्यालयाच्या विद्यार्थ्यांच्या तब्बल ५ विविध पेटंट डिझाईन्सना अधिकृत मंजुरी मिळाली आहे, ही महाविद्यालयासाठी अत्यंत अभिमानाची आणि नेत्रदीपक कामगिरी ठरली आहे.काय आहेत ही ५ पेटंट डिझाईन्स?विद्यार्थ्यांनी आधुनिक तंत्रज्ञानावर आधारित खालील ५ डिझाईन्ससाठी पेटंट मिळवले आहेत:1. Interactive Creative Learning Device2. Digital Cultural Heritage Display Device3. Intelligent Arts and Commerce Management Device4. AI-Enabled Digital Art Creation Device5. Multifunctional Arts and Commerce Workstation Deviceया संशोधनामुळे शिक्षण, कला आणि वाणिज्य क्षेत्रातील आधुनिक उपकरणांच्या निर्मितीत एक नवे दालन खुले झाले आहे.मार्गदर्शक आणि प्रेरणा:या नेत्रदीपक यशामागे महाविद्यालयाच्या आय.पी.आर. सेलचे (IPR CELL) समन्वयक डॉ. कपिल राजहंस आणि डॉ. वसंत भागवत यांचे मोलाचे मार्गदर्शन लाभले आहे. तसेच, महाविद्यालयाचे प्राचार्य डॉ. दिलावर जमादार यांची निरंतर प्रेरणा आणि प्रोत्साहन या यशस्वी वाटचालीस कारणीभूत ठरले आहे.विद्यार्थ्यांचे योगदान:या संशोधनात धनराज प्रताप शिंदे, धनश्री महेश भोसले, आरती विष्णू पाटील, मुस्तफा गौस नायकवडी, सृष्टी संजू जाधव आणि सारंगी संजू जाधव या विद्यार्थ्यांनी महत्त्वाची भूमिका बजावली आहे.महाविद्यालयाच्या या ऐतिहासिक यशाबद्दल सर्व स्तरांतून विद्यार्थ्यांचे आणि मार्गदर्शकांचे अभिनंदन केले जात आहे.
 सरकारची मंजुरी){kind=link}